PCG (Perfect Consulting Group)
PCG kichik va o’rta biznes egalari bilan hamkorlikda ularning faoliyatini sistemalashtirish va xodimlarning bilimini oshirishga qaratilgan xizmat turlarini taklif qiladi. O’zbekiston bozorida 8 yildan beri faoliyat yuritib keladi.
Muammo, vazifa
1. Perfect Consulting Group kompaniyasi uchun yagona dizayn uslubini topish. 2. Ibrahim Gulyamov shaxsiy brendi uchun logotip tayyorlash. 3. Brend stilini takomillashtirish.
Yechim
1. PCG ning oliy maqsadiga mos keladigan logotip tayyorlandi. Kompaniyaning maqsadi «Ilm bilan jamiyat hayotini yoritish» bo’lganligi sababli logotipda nur taralish g’oyasiga asosiy e’tibor qaratilib, “G” harfi orqali nur taratish ma’nosi ifodalandi. 2. Shuningdek, logotipda fokus, masshtab, mayoq, himmat, doimiy va cheksiz o'sish, lider va unga ergashish, baraka kabi ma’nolar ko’rsatib berildi. 3. Brend rangi biroz ochartirilib, Ibrahim Gulyamov va PCG uchun yagona uslub ishlab chiqildi.
Natija
Perfect Consulting Group (PCG) uchun amalga oshirilgan rebrending muvaffaqiyatli yakunlandi. Kompaniya maqsadi – "Ilm bilan jamiyat hayotini yoritish" – logotipda nur taratish orqali aks ettirildi. Yangilangan logotip liderlik, o‘sish va himmat kabi tushunchalarni ham o‘zida mujassam etdi. Rangi ochartirilib, zamonaviy ko‘rinish berildi. Ibrahim Gulyamov brendi bilan bir xil dizayn uslubi yaratilib, PCG ning poytaxt bozoridagi mavqeini mustahkamlashga yordam berdi.