Basma — sharqona qadriyatlarga asoslangan muzqaymoq
Bozor ulushini oshirish uchun Aeroport ice cream kompaniyasi yangi muzqaymoqlar lineykasini ishlab chiqishga qaror qildi. Bu uchun neyming, logotip va qadoq dizayni ishlab chiqish kerak edi.
Muammo, vazifa
O‘rganishlar shuni ko‘rsatdiki, bozordagi mavjud qadoqlarning katta qismi bir xil va brend qadriyatlarini ifodalamaydi. Iste’molchilarning 66 foizi qadriyatlarga ega brendlarni afzal ko‘radi, shu bois biz madaniy o‘ziga xosliklar va sharqona uslubga urg‘u berdik.
Yechim
Biz "Basma" nomini tanladik, turk tilida bu so‘z "imzo qo‘yish", "chop etish" degan ma’nolarni anglatadi, bu esa mahsulotning iste’molchilar qalbida o‘chmas iz qoldirishiga ishora qiladi. O‘qilishi oson bo‘lishi va tezda esda qolishi uchun logotip tipografika uslubida ishlandi. Qadoq dizaynida esa ishtahani ochuvchi yorqin mevalar va shokolad glazuriga urg‘u berilgan holda muzqaymoq tasviri hamda sharqona naqsh san’ati namunasi aks ettirildi.
Natija
Sharqona qadriyatlarga asoslangan yangi muzqaymoqlar lineykasi muvaffaqiyatli sotuvga chiqarildi. Mahsulot darhol iste’molchilar e’tiboriga sazovor bo‘ldi va sotuvlar dastlabki rejalardan 80% ziyodroq bo‘ldi.