Korzinkaga keling, narxlarni koʻring!
Oʻzbekistonda odamlar an’anaviy tarzda bozordan xarid qilishni afzal biladilar, chunki u yerda tovarlar sifatliroq va arzonroq deb hisoblashadi. An’anaviy savdoning 90% qismini bozorlar egallagan hamda goʻsht, sabzavot va mevalar kabi ma’lum mahsulotlarni bozordan olish unumliroq, degan ommaviy tasavvur mavjud.
Muammo, vazifa
Ommaviy fikrga tayangan koʻplab iste’molchilar bozordagi xaridlar arzonroq ekaniga hamon ishonadi va bu Korzinka kabi tarmoqlarda sifatli mahsulotlar va unumli takliflar boʻlishiga qaramay, supermarketlardagi savdoni tushiradi.
Yechim
Korzinka, iste’molchilarning asosiy guruhlarini aniqlab, oʻzbek oshxonasining asosiy mahsulotlaridan biri — mol goʻshti narxlarini arzonlashtirib, reklama kampaniyasini boshladi. Ushbu kampaniya doirasida Korzinka tomonidan katta avlod ongiga oʻrnashib qolgan ommaviy fikrlar va zamonaviy yechimlar oʻrtasidagi qarama-qarshilik, turli yoshdagi avlodlar orasidagi bahsga urgʻu berilgan video roliklar tasvirga olindi. Kampaniyani qoʻllab-quvvatlash asnosida judayam unumli narxdagi tovar sifatini e’tirof etuvchi video roliklar ham tasvirga tushirildi.
Natija
Kampaniya jami 60 milliondan ziyod kontaktlarni, shu jumladan, 15 million noyob foydalanuvchilarni qamrab oldi. Oʻtgan yil bilan qiyoslaganda, taqqoslanadigan doʻkonlardagi sotuvlar 246% ga, cheklar soni 257% ga, sotilgan tovarlar miqdori esa 400% ga oʻsgan. Qariyb 60% soʻrovnoma ishtirokchilari supermarketlarga nisbatan fikrlarini oʻzgartirgan va bozorlarni Korzinkaga almashtirishga tayyor ekanligini bildirganlar. Bu esa taassurotning sezilarli oʻzgarganidan dalolatdir.